Euskadiko Arkularitza Federazioa irabazi-asmorik gabeko erakunde pribatu bat da, nortasun juridikoa eta jarduteko gaitasuna duena, eta kirolariak, teknikariak, epaileak, klubak eta kirol-elkarteak biltzen dituena Euskal Autonomia Erkidegoan Arkularitza modalitatea praktikatu, sustatu eta antolatzeko.
ZER EGITEN DUGUN
Arkularitza Federazioaren xedea arkularitzaren praktika bere modalitate eta alderdi guztietan sustatzea da, pertsona guztien inklusioa eta parte-hartzea bultzatuz, adina, sexua, arraza, egoera fisikoa, erlijioa edo kidetasun politikoa dela-eta inolako diskriminaziorik egin gabe.
Gure helburuaadin, egoera fisiko eta trebetasun guztietako kirolariei kalitatezko kirol-esperientzia eskaintzea da, eta, horretarako, kirol-kudeaketako aholkularitza, txapelketen kudeaketa eta zuzendaritza teknikoa eskaintzen dizkiegu atxikitako elkarteei.
Gainera, kalitatezko ikastaroak eta mintegiak ematen dizkiegu kirolariei, bai Arkularitzan hasteko, bai hobetzeko eta teknifikaziorako.
ZER LORTU NAHI DUGUN
Arkularitzaren kirol-eremuan erreferente izatea, non pertsonak egunero beren onena ematera motibatuta sentituko diren. Erakunde arduratsua, eraginkorra eta lehiakorra izatea, non kidetasuna eta Arkularitzaren praktikaz gozatzea sustatuko den.
ZER ESKAINTZEN DUGUN
Arkularitzari duintasuna ematea, bai Olinpiar eta Lehiaketa Kirol gisa, bai Aisialdiko Kirol gisa.
Segurtasuna: Gure jarduera guztiak segurtasuna beste edozein interesen gainetik jartzeko diseinatuta daude.
Ingurumenarekiko errespetua: Ingurumena gure lehentasunetako bat da; hondakin kopurua murrizten dugu antolaketa-eremu guztietan, gehienak birziklatuz eta balio ekologikoetan heziz.
Integrazioa eta Parte-hartzea: Arkularitza pertsona guztientzako kirol integratzaile gisa, adina, sexua, arraza, egoera fisikoa, erlijioa edo kidetasun politikoa dela-eta inolako diskriminaziorik egin gabe.
Konpromisoa: Konpromisoa hartzea gure gaitasunak erabat erabiltzea da, eskuordetu zaigun guztia aurrera ateratzeko; konpromisoa dokumentu edo kontratu bat sinatzea baino haratago doa.
Gogo bizia: Arkularitzarekiko gogo bizia izatea ezinbesteko baldintzatzat jotzen dugu gure kirola sustatzeko eta irakasteko.
Ideario eta kidetasun politikorik gabea: Kirol-praktika edozein ideologia edo joera politikotik libre.
Berrikuntza: Egiten dugun guztian berrikuntza bilatzen dugu, gure burua berrasmatuz eta gure ahaleginak egiten dugun guztia hobetzera bideratuz.
Iraunkortasuna eta Gardentasuna: Iraunkortasuna erakunde honen egonkortasunerako premisa bat da, baita kudeaketaren gardentasuna ere, interes-taldeek Federazioarekiko duten konfiantza higatuko duten gaizki-ulerturik edo zurrumurruarik egon ez dadin.